احنا اتسرقناااااااااااااا .....;_;

الحكاية من البداية كده ان احنا انبارح الصبح صحينا عادي جدا وخارجين
اول حاجة:
بابا العزيز بيدور على موبايلاته وطبعا ناداني أودورله عليهم :)
مالقيتهمش ... ارن عليهم ... مغلقين الاتنين
تاني حاجة:
ماما بتسأل بابا عن المكان اللي حط في الفلوس اللي في جيبه
مممممممممم ... طبعا بابا قالها انا ماشلتش حاجة

نظرات مرتبكة بينا احنا التلاتة

المهم
تالت حاجة:
اوضة اخويا ... دخلنا لقينا شنطة من بتوعه عالسرير كلها مفتحة
وعلبة الموبايل بتاعه القديم مفتوحة عالمكتب اللي كان درج واحد منه مفتوح
وطبعا مش اخويا اللي فاتحهم لأنه في (الجيش)
حمدنا ربنا أن أخويا بيحب يكدس الشنط بتاعته بأوراق لا تعد ولا تحصى فتقريبا اللي كان بيدور زهق
وبرضه ان المكتب قدييييييييييم جدا وكل أدراجه تقريبا محشوورة بروق أخويا ... أيضا
وكمان الموبايل كان مكسور ومتباع من زمان

كله ده كان حوار بيأكد ان احنا اتسرقنا ...
رحت أنا باة بمهاراتي الاستخباراتية متأثرة بلعبةادفينتشر كنت بلعبها من قريب
أدور على أدلة
ولقيت أثر نعل في المطبخ سايب أثر من الطين
وطبعا قبل ما اوقل حاجة قلبت جزم البيت كلها واتأكدت انها مش منهم
ولقيت أثر ايد عالسور
بعدها لاحظت أيضا (بجملة يعني) إن نطة السور دي صعبة أوي
بس على مين !!!

المهم بعد حوارات طويلة عريضة نبلغ البوليس ولا ما نبلغش

بلغنا ...
الضابط جاي مستغرب ... انا عمري ما سمعت عن بلاغ من المنطقة دي
انتوا متأكدين ؟؟؟
وقفنا كلنا .... وفي عقولنا !!!!!!!!!!!!!؟؟؟؟؟؟
اتعمل المحضر وجينا نوريله الحاجات اللي شفتها
قام داخل المطبخ وداس على أثر الجزمة اللي لقيته
(مع أني كنت محذرة ماما وبابا ييجو جنبه) وحط ايده عالسور
وقال لبابا لما تيجوا القسم نبقى نعمل رفع بصمات
قلت لاو الله (في عقل بالي طبعا ^^;)

مع أن الواحد عارف أن ده قدر ربنا ومافيش اعتراض والحمد لله
بس احساس ان رجل غريبة دخلت البيت ومش عارفين ازاي
خصوصا ان الفرق ما بين معاد نومي الليلة دي ومعاد صحيان بابا لا يتعدى الساعتين
امر يصيبني بالقشعريرة لحد دلوقتي

وأخيرا
قدر الله وماشاء فعل
وحسبي الله ونعم الوكيل في اللي عمل كده


دمتم سالمين ^^